کانگریس کے سینئر رہنما آر روشن بیگ اور ریاستی کابینہ وزیر کے جے جارج پر یہ الزام لگایا گیا تھا کہ وہ متوقع طور پر کوشش نہیں کر رہے ہیں۔
اس ضمن میں ای ٹی وی بھارت نے ریاستی وزیر کےجےجارج سے بات کی جس میں انہوں نے کہا کہ اس طرح کی باتیں بےبنیاد اور غیر ذمہ دارانہ ہیں۔
انہوں نے کہا کہ وہ خود بنگلورو سینٹرل حلقہ کے الیکشن انچارج ہیں اور انہوں نے پورے حلقہ کی کمان مضبوطی سے تھامی ہے اور عام انتخابات میں کامیابی کے لیے پرزور جدوجہد میں لگے ہیں۔
انہوں کہا کہ کانگریس کی ہر سطح کی لیڈرشپ رضوان ارشد کی کامیابی کے لیے کوشاں ہے ۔
واضح رہے بنگلورو سینٹرل حلقہ میں مسلمانوں کافی تعداد کثیر ہے اور پچھلے 10 سال سے بی جے پی کے قبضے میں ہے۔ اس حلقہ سے نمائندگی کر رہے کانگریس کے مسلم امیدوار رضوان ارشد نے 2014 کے عام انتخابات اسی حلقہ سے میدان میں اترے تھے لیکن انہیں ناکامی کا سامنا کرنا پڑا تھا۔
یاد رہے پچھلے 15 برسوں سے پارلیمنٹ میں پوری ریاست بھر سے ایک بھی مسلم امیدوار منتخب نہیں ہوسکا۔ اس مرتبہ کانگریس نے ریاست میں صرف ایک ہی مسلم امیدوار کو ٹکٹ دیا ہے۔ لہٰذا اقلیتی طبقہ کے لوگ چاہتے ہے کہ رضوان ارشد کو کامیاب کرکے ایوان میں اپنی نمائندگی کرنے بھیجا جائے۔
