جمعیت علماء بنگلور کی جانب سے راشن کٹ تقسیم

کورونا وائرس کی وبا سے مزدور طبقہ پریشان حال ہے، وہیں بنگلور جمعیت علماء کی جانب سے راشن کٹ تقسیم کی گئی۔

ماہ رمضان میں ضرورتمند مسلم خاندانوں کی مدد کرنے کے لیے جمعیت علماء بنگلور نے اول رمضان ہی کو یہ فیصلہ کر لیا تھا کہ ضررتمند روزہ داروں کے درمیان راشن کٹ تقسیم کی جائے گی اور گذشتہ کل ہزاروں خاندانوں کو رمضان المبارک کی مناسبت سے راشن کٹ کی تقسیم کی گئی۔

اس سلسلے میں جمعیت علماء کرناٹک کے عہدیداروں نے صحافیوں سے بات کرتے ہوئے مسلمانوں سے اپیل کی کہ وہ رمضان المبارک میں حکومت و امارت شرعیہ کی جانب سے بتائے گئے ہدایات پر عمل کر کے کووڈ-19 سے بچیں اور تراویح و دیگر ساری عبادات گھر پر ہی ادا کریں اور اپنے ہمسایہ ضرورتمندوں اور مجبور پڑوسیوں کا بھی بھر پور خیال کریں۔