بنگلور: ریاست کرناٹک کے دارالحکومت بنگلور میں ہندو جن جاگروتی سمیتی نے جمعیت العلماء ہند پر الزامات عائد کیا کہ جمعیت کی جانب سے حلال سرٹیفکیٹس جاری کیے جاتے ہیں جو کہ دوسرے معنوں میں حلال اشیاء کو ہندوؤں پر تھوپنا ہے، لہذا مرکزی حکومت سے مانگ کی جارہی ہے کہ مذکورہ تنظیم کی جانب سے جاری کی جارہی حلال سرٹیفکیٹ پر پابندی عائد کی جائے۔ اس سلسلے میں ای ٹی وی بھارت نے ہندو جن جاگروتی سمیتی کے کارکنان اور جمعیت العلماء کرناٹک کے صدر مفتی افتخار قاسمی سے خصوصی بات چیت کی اور حلال بائیکاٹ کی تفصیل حاصل کی۔ Jamiat ul Ulamas Reaction On Anti Halal campaign
اس موضوع پر مولانا مفتی افتخار قاسمی نے کہا کہ مسلمانوں کی جانب سے ہرگز حلال کو کسی پر بھی مسلط نہیں کیا جارہا ہے اور حلال سرٹیفیکٹس تو غیر مسلموں کے ادارے بخود جمعیت سے رابطہ کرکے ان سے سرٹیفیکیٹس حاصل کرتے ہیں تاکہ ان کے کاروبار میں آسانی پیدا ہو۔ اس موقع پر مولانا افتخار قاسمی نے ہندو جن جاگروتی سمیتی کی جانب سے سبھی الزامات کو رد کیا اور اپنی وضاحت پیش کی۔ Jamiat ul Ulamas Reaction On Anti Halal campaign
یہ بھی پڑھیں : Halal Free Diwali: ہندو جن جاگرتی سمیتی کا حلال فوڈ سے پاک دیوالی منانے کا مطالبہ
