کورونا وبا کے چلتے کاڑھے کے استعمال میں زبردست اضافہ ہوا ہے۔ کوویڈ انفیکشن سے محفوظ رہنے کے لیے لوگ کالی مرچ، شہد، چائے کی پتی، سونٹھ، ادرک وغیرہ کا کاڑھا بناکر استعمال کر رہے ہیں۔
کرناٹک میں ضلع یادگیر کے اسٹیشن علاقہ میں واقع ایک ٹی پوائنٹ پر لیمن ٹی نوش کے لیے لوگ دور سے دور ا ٓرہے ہیں۔ لاک ڈاون کے بعد یہاں روزانہ تقریباً 400 تا 500 افراد لیمن ٹی نوش کرنے کے لیے آتے ہیں۔
ٹی پوائنٹ کے مالک سریش نے بتایا کہ ’لاک ڈاون کے بعد لیمن ٹی کی طلب میں بے تحاشہ اضافہ ہوا ہے‘۔ انہوں نے مزید بتایا کہ لیمن ٹی میں شہد، لیمبو، ادرک اور پودینہ کا استعمال کیا جاتا ہے جو انسانی صحت ک ےلیے کافی مفید ہے۔
کورونا وبا کے چلتے لوگ دودھ کی چائے سے زیادہ لیمن ٹی کو پسند کر رہے ہیں۔ لوگوں کا تاثر ہے کہ ’کورونا وائرس سے محفوظ رہنے کے لیے لیمن ٹی کا استعمال کافی مفید ہے‘۔
شہر کے مختلف علاقوں سے آئے گاہکوں نے بتایا کہ اس ٹی پوائنٹ پر لیمن ٹی ملتی ہے اسی لیے ہم روز لیمن ٹی نوش کرنے کے لیے یہاں آتے ہیں۔ یہاں کی لیمن ٹی لذیذ ہے اور قوت بخش بھی ہے کیونکہ اس میں شہد، لیمبو، ادرک وغیرہ کا استعمال کیا جاتا ہے۔
