حال ہی میں محکمہ انکم ٹیس نے پاپیولر فرنٹ آف انڈیا کو 12A رجسٹریشن کی منسوخی کے لیے ایک شو کاز نوٹس جاری کیا ہے، جس میں ہادیہ کیس کا حوالہ دیا گیا ہے اور یہ الزام عائد کیا گیا ہے کہ پی ایف آئی کی رفاہی سرگرمیاں جیسے اسکالرشپ اسکیمیں ایک مخصوص مذہب کے ماننے والوں کی دی جاتی ہیں۔
انکم ٹیکس نوٹس کے متعلق بات کرتے ہوئے پاپیولر فرنٹ آف انڈیا کے قومی جنرل سکریٹری انیس احمد نے بتایا کہ محکمہ انکم ٹیکس کے الزامات بے بنیاد ہیں، انہوں لزام عائد کیا کہ یہ کارروائی بی جے پی کی سیاسی سازش ہے۔'
انیس احمد نے کہا کہ ہادیہ کا معاملہ مذہبی نہیں بلکہ ملک کے دستوری و انسانی حقوق سے تعلق رکھنے والا مسئلہ تھا، لہذا محکمہ انکم ٹیکس کا یہ الزام نہ صرف غلط بلکہ توہین عدالت ہے۔
انیس احمد نے کہا کہ ہر وہ تنظیم جو مظلومین کے انصاف کے لیے لڑرہی ہے بی جے پی حکومت اسے نشانہ بنا رہی ہے اور ان کے ساتھ بھی یہی ہورہا ہے، انہوں نے کہا کہ پاپیولر فرنٹ نے محکمہ انکم ٹیکس کے نوٹس کا جواب دیا ہے اور وہ اپنی جمہوری اعتبار سے چل رہی جد و جہد جاری رکھیں گے۔
