بنگلور: رمضان المبارک کے موقع پر ایک ہندو خاندان نے مسلمانوں کے لئے دعوت افطار کا اہتمام کیا، جس میں شہر کی کئی معروف شخصیات نے شرکت کی۔ اس موقع پر وینکٹیش شرینیواسن اور ان کی بہن شوبھا شرینیواسن نے کہا کہ ابتدا ہی سے ان کا خاندان گنگا جمنی تہذیب میں ماحول میں پلا بڑھا ہے، جہاں وہ سبھی مذاہب والوں کے ساتھ پیار و محبت کے ساتھ رہتے آرہے ہیں۔ Hindu Family Hosted Iftaar in Bangalore
وینکٹیش شرینیواسن اور شوبھا شرینیواسن نے کہا کہ ان دنوں ملک میں آئے دن بڑھ رہے مسلم مخالف نفرتی ایجنڈے کی روک تھام لازمی ہے اور اسی لئے انہوں نے ان کی والدہ کی ہدایت پر روضہ افطار کا اہتمام کیا۔
مزید پڑھیں:
اس موقع پر میناکشی شرینیواسن نے کہا کہ چند فرقہ پرست طاقتوں کی جانب سے مسلمانوں و دلتوں پر ظلم و زیادتی ہندو مذہب کی تعلیمات کے خلاف ہے۔ انہوں نے کہا کہ ساری انسانیت ایک ہے، لہذا سبھی کے ساتھ ایک جیسا سلوک کیا جانا چاہیے۔
