ملازمین کے احتجاج کے موقع پر سماجی کارکن چندر شیکھر ہیرے مٹھ نے کہا کہ کرناٹک روڈ ٹرانسپورٹ کارپوریشن ملازمین ریاست بھر میں خدمات انجام دے رہے ہیں لیکن حکومت ان ملازمین کے مطالبات کو پورا کر نے کی بجائے انہیں نظر انداز کررہی ہے۔
انہوں نے کہا کہ 'تین ماہ پہلے اسٹیٹ ٹرانسپورٹ وزیر لکشمن سودی نے ان کے مطالبات کو پورا کرنے کی یقین دہانی کروائی تھی لیکن ابھی تک یہ وعدہ وفا نہیں ہوسکا۔
چندر سیکھر نے مزید کہا کہ 'ہزاروں ملازمین روڈ ٹرانسپورٹ کارپوریشن سے وابستہ ہیں لیکن ان ملازمین کے تنخواہ میں اضافہ نہیں کیا گیا ہے۔ اگر اسی طرح ریاستی حکومت انہیں نظر انداز کر تی رہی تو آنے والی 7 اپر یل کو ریاست بھر میں ٹرانسپورٹ سروس کو بند کر کے ریاستی حکومت کے خلاف احتجاج کیا جائے گا اس لیے ریاستی حکومت ٹرانسپورٹ کارپوریشن ملازمین کے مطالبات کو جلد سے پورا کریں۔
اس موقع پر کرناٹک روڈ ٹرانسپورٹ کارپوریشن کے ملازمین اور شرما جیوی گلا تنظیم کے صدر اور اراکن موجود رہے۔
