ملک میں جمہوریت خطرے میں ہے: سابق وَیر اعلیٰ

سابق وزیر اعلی سدارمیہ سمیت کئی اہم شخصیات نے آنجہانی مجاہد آزادی دورے سوامی کو خراج عقیدت پیش کرتے ہوئے کہا کہ' ہمیں مجاہد آزادی دورے سوامی کی زندگی سے رہنمائی حاصل کرنی چاہیے۔'

بنگلور: سنہ 1942 میں آج ہی کے دن مہاتما گاندھی جی کی جانب سے برطانیہ حکومت کے خلاف "کویٹ انڈیا" موومنٹ یعنی بھارت چھوڑو تحریک کی شروعات کی گئی تھی۔ تحریک آزادی میں پیش پیش رہنے والے مجاہد آزادی دورے سوامی کو سابق وزیر اعلیٰ سدرامیہ سمیت کئی اہم شخصیات نے خراج عقیدت پیش کیا۔

اس موقع پر سابق وزیر اعلیٰ سدرامیہ نے کہاکہ' مرحوم دورے سوامی وہ مخلص مجاہد رہے جنہوں نے ملک کہ آزادی کے لیے جدوجہد کی۔ انہوں نے کہاکہ انہوں نے ہمیشہ حکومتوں کی جانب سے عوام پر ہوئے ناانصافیوں کے خلاف آواز بلند کی۔' اس موقع پر سدرامیہ نے کہاکہ' اب جب کہ ملک کا دستور و جمہوریت خطرے میں ہے، ہمیں مجاہد آزادی دورے سوامی کی زندگی سے رہنمائی حاصل کرنی چاہیے۔'

اس موقع پر مجاہد آزادی دورے سوامی کے ساتھ احتجاج و جدوجہد میں حصّہ لینے والے دیگر سماجی کارکنان و ان کے ساتھیوں نے بتایا کہ ملک میں برسر اقتدار بی جے پی حکومت کے لیڑران نے دورے سوامی کی بے حرمتی کی ہے، جو ان کے لیے خود کے پیروں پر کلھاڑی چلانے کے مترادف ہے۔ سماجی کارکنان نے کہاکہ مرحوم دورے سوامی کی زندگی خالص ملک و ملک کے باشندوں کی بھلائی کے لیے رہی'۔