آن لائن درخواست کی ادخال کی آخری تاریخ 17 دسمبر مقرر تھی۔حج کمیٹی آف انڈیا نے حج سنہ 2020 کے لیے 23 دسمبر تک توسیع کردی ہے۔
انجمن خادم الحجاج کے سکریٹری منصور احمد قادری
ریاست کرناٹک کے ضلع بیدر میں انجمن خادم الحجاج کے سکریٹری منصور احمد قادری نے ای ٹی وی بھارت سے بات کرتے ہوئے بتایا کہ حج کمیٹی آف انڈیا نے حج 2020 کے لیے آن لائن درخواست فارم کی آخری تاریخ میں 23 دسمبر 2019 تک توسیع کر دی ہے۔
انہوں نے کہا کہ خواہشمند عازمین حج ضلع بیدر کی حج کمیٹی پہنچ کر حج کی درخواست آن لائن جمع کر سکتے ہیں۔
حج درخواست فارم کا خاکہ حج کمیٹی کی ویب سائٹ پر بھی دستیاب ہے۔
