گلبرگہ شہر کے سنتراش واڑی محلے کے نوجوان تنظیم کی جانب سے سجاوٹ کام زور و شور سے کیا جار ہا ہے۔ ان مسلم بستیوں کی سڑکوں پر برقی کمکموں سے سجایا جاتا ہے۔ برقی کمکموں کی وجہ سے رات کا منظر بے حد دلکش ہوتا ہے۔
اس موقع پر کے نوجوانوں نے ای ٹی وی بھارت کو بتایا کہ، ' ہر برس ماہ ربیع الاول کے ایک ماہ قبل ہی مسلم بستیوں کے چوراہوں کو سجانے کے کام شروع کیا جاتا ہے۔ 50 سے زائد نوجوان مل کر بڑی ذمہ داری کے ساتھ سجاوٹ کے کام کو انجام دیتے ہیں۔
دن میں یہاں پر ٹریفک اور عوام کے ہجوم کی وجہ سے، اس کام کو نہیں کیا جاسکتا، اسلیے رات کے وقت میں ہی اس کام کو کرنا پڑتا ہے۔
یہاں کے نوجوان مسلم چوک، سنتراش واڑی، درگاہ روڈ اور دیگر علاقوں تک سجاوٹ کا کام انجام دیتے ہیں۔'
عید میلاد النبی کے موقع پر ہر برس یہاں سنتراش واڑی کی سجاوٹ کو دیکھنے کے لئے اطراف کے علاقے اور دیہات کی عوام آتے ہیں۔ جس کے لیے یہاں ابھی سے ہی نوجوان بڑی محنت کے ساتھ رات بھر سجاوٹ کا کام کر تے ہو ئے دیکھا جارہا ہے۔
مزید پڑھیں:
میلاد النبیﷺ کے موقع پر آل انڈیا امامز کونسل کی قومی سطح پر مہم
غورطلب ہے کہ رواں برس کورونا وائرس کے خطرات کے پیش نظر حکومت کی جانب سے گائیڈ لائن جاری کر اجتماعیت اور جلوسوں پر پابندی ہے، جس کے باعث اس بار جشن عید میلاد النبی کو لیکر عاشقین رسول میں مایوسی ہے۔
