ریاست کرناٹک کے ضلع یاد گیر میں شاہ علی مرزا مسجد کے امام مولانا مفتی سمیع الدین قاسمی نے ای ٹی وی بھارت سے بات طیت کرتے ہوئے کہا کہ 'قربانی ایک واجب عمل ہے، اس عمل کا کوئی متبادل نہیں ہے۔ قربانی کرنا ہر صاحب نصاب پر ضروری ہے'۔
مولانا مفتی سمیع الدین قاسمی نے کہا کہ 'قربانی ہمارے آبا حضرت ابراہیم کی سنت ہے، اللہ کے آخری رسول نے بھی تاحیات قربانی کی اور مسلمانوں کو قربانی کرنے کا حکم دیا۔ انہوں نے کہا کہ موجودہ وقت میں بکروں کی قربانی زیادہ موزوں ہے'۔
مفتی سمیع الدین قاسمی نے کہا کہ 'قربانی کو خاموشی کے ساتھ ادا کریں۔ اکثر نوجوان قربانی کے جانور کے ذبح کرنے کی فوٹوز واٹس ایپ اور فیس بک پر ڈالتے ہیں جو غیر اخلاقی عمل ہے۔ ساتھ ہی انہوں نے کہا کہ 'قربانی کی نمائش نہ کریں'۔
یہ بھی پڑھیں: بنگلور چڑیاگھر کے گوشت خور جانور فطری غذا سے محروم
انہوں نے مزید کہا کہ 'ہر وہ کام جس میں نمائش کا عنصر ہوتا ہے اللہ کو سخت ناپسند ہے۔ اس لیے اپنی زندگی کا ہر کام اور ہر عمل شرعی طور پر کریں تاکہ اللہ کی رضامندی حاصل ہو اور ہمیں دنیا اور آخرت میں کامیابی نصیب ہو'۔
