ریاست کرناٹک کے ضلع یادگیر کے ڈپٹی کمشنر آفس کے آڈیٹوریم ہال میں منعقد ایک اجلاس سے خطاب کرتے ہوئے ڈپٹی کمشنر یادگیر ڈاکٹر راگاپریا نے کہا کہ گزشتہ ایک مہینے کے دوران مکمل لاک ڈاؤن کی وجہ سے آج ضلع میں کورونا سے متاثر مریضوں میں کمی واقع ہوئی ہے۔
انہوں نے محکمہ صحت، ڈاکٹرز اور عوام کا شکریہ ادا کرتے ہوئے کہا کہ یادگیر میں کورونا وائرس کو قابو میں لانے میں ضلع انتظامیہ سمیت سبھی کا بھرپور تعاون ہے۔
اس موقع پر انہوں نے کہا کہ کورونا وائرس سے عوام کو بچانے کے لئے غیر سیاسی تنظیموں نے بھی اہم کردار ادا کیا ہے۔ انہوں نے کہا کہ یادگیر ضلع سرکاری کووڈ ہسپتال میں مزید چالیس آکسیجن بیڈ اور بیس وینٹی لیٹر کا اضافہ کیا گیا ہے۔
ڈپٹی کمشنر نے مزید کہا کہ عظیم پریم جی فاؤنڈیشن و دیگر غیر سیاسی تنظیموں نے اس لاک ڈاؤن کے دوران کورونا وائرس پر قابو پانے میں بھر پور تعاون کیا ہے۔
