کرناٹک کے گلبرگہ میں آل انڈیا ڈیموکریٹک یوتھ آرگنائزیشن نے آئی ٹی آئی طلبا کے سال اول کے امتحانات منسوخ کرنے کا مطالبہ کرتے ہوئے احتجاج کیا۔
اس موقع پر اے آئی ڈی وے او گلبرگہ کے سکریڑی جگن ناتھ نے کہا 'کورونا وائرس لاک ڈاؤن کے دوران آئی ٹی آئی کالج بند رہنے کی وجہ طلبا کے کلاسز بند رہے۔ مگر انھیں تھیوری کلاس کے ساتھ پریکٹیکل کلاسسز کی ضرورت ہوتی ہے مگر یہاں پر ریاستی حکومت نے آئی ٹی آئی طلبا کے امتحان لینے کا اعلان کیا ہے، جو سراسر غلط ہے۔
مظاہرین نے ریاستی حکومت سے مطالبہ کیا کہ امتحانات کو منسوخ کر کے سبھی طلبا کو پاس کیا جائے اور انھیں دوسرے سال میں داخلہ دیا جائے۔ مطاہرین کا کہنا تھا کہ 'اس سال اکڈمک سال ختم ہوچکا ہے، ملک کے تمام شعبے کورونا سے متاثر ہوئے ہیں۔ ان طلبا کے فیس کو معاف کر کے انھیں آگے کلاس میں داخلہ لینے کی سہولت فراہم کی جائے۔
