اس سلسلے میں نہایت غم و غصے کا اظہار کرتے ہوئے کرناٹک اردو اکیڈمی کے سابق چیئرمین مبین منور نے کہا کہ "حضرت حمید شاہ کامپلیکس ادارے کا اردو ہال کو منہدم کرنا اردو کے ساتھ سراسر ناانصافی ہے، لہٰذا انہوں نے مطالبہ کیا کہ اردو ہال کو فوری طور پر دوبارہ تعمیر کیا جائے۔
اس مسئلے کے متعلق حضرت حمید شاہ کامپلیکس ادارے کے چیئرمین جی اے باوا نے بتایا کہ انہوں نے اردو ہال کو ختم نہیں کیا بلکہ اردو ہال کے لئے ایک اور جگہ مختص کی ہے۔
اس موقع پر مبین منور نے کرناٹک وقف بورڈ سے اپیل کی کہ وہ حضرت حمید شاہ کمپلیکس ادارے کی کمیٹی کو فوری طور پر تحلیل کرے، بصورت دیگر اردو دانوں کی جانب سے ریاست بھر میں احتجاج منعقد کیے جائیں گے۔
مزید پڑھیں:کانگریس نے مسلمانوں کو برباد کیا ہے: مسلم راشٹریہ منچ
یاد رہے کہ اردو ہال میں دینی درس و ادب سے متعلق ریاست بھر کے کئی اداروں کے پروگرام منعقد کئے جاتے تھے، یہ ساری ریاست میں ایک واحد اردو ہال تھا۔
