ریاست کرناٹک میں ضمنی انتخابات کے لیے کانگریس نے اپنے 8 امیدواروں کی فہرست جاری کی ہے۔
اس فہرست میں بھیمننا نائیک (یلاپور)، بی ایچ بننی کوڈ (ہیرےکرور)، کے بی کولی واڈ (رننےبیننور) ایم انجنا اپا ( چکابلاپور) ایم نارائن سوامی ( کے آر پورا) ایم شیوراج ( مہالکشمی لےآؤٹ) پدماوتی سوریش (ہوسکوٹ) اور ایچ پی منجو ناتھ (ہنسور) کے نام شامل ہیں۔
پارٹی کے جنرل سکریٹری مکل واسنک نے ایک بیان میں کہا ، 'کانگریس کی عبوری صدر سونیا گاندھی نے کرناٹک کی قانون ساز اسمبلی کے ضمنی انتخابات کے لیے پارٹی امیدواروں کی حیثیت سے درج ذیل افراد کے ناموں کو منظوری دے دی۔'
اس سے قبل کرناٹک میں ضمنی انتخابات 21 اکتوبر کو 15 انتخابی حلقوں میں ہونا تھے کانگریس اور جے ڈی (ایس) کے باغی ارکان اسمبلی کی خالی نشستوں پر انتخابات ہونا تھا۔
تاہم بعد میں الیکشن کمیشن (ای سی) نے انتخابی تاریخ 5 دسمبر کردی۔
واضح رہے کہ 5 دسمبر کو کرناٹک میں 15 اسمبلی حلقوں میں ووٹنگ ہوں گی جب کہ 9 دسمبر کو نتائج کا اعلان کیا جائے گا۔
