ریاست کرناٹک کے ضلع بیدر کے تعلقہ بسوا کلیان میں ہونے والے ضمنی انتخابات میں کل ہند مجلس اتحاد المسلمین کے ترجمان محمد اکبر نے میڈیا سے بات کرتے ہوئے کہا کہ مسلمانوں نے کانگریس کو سیکولر پارٹی سمجھ کر گزشتہ 70 برسوں سے ووٹ دے کر ہمیشہ اس کا سپورٹ کیا ہے لیکن یہ بات سامنے آچکی ہے کہ کانگریس پارٹی کا رویہ مسلمانوں اور دلتوں کے ساتھ صحیح نہیں ہے کیونکہ نچلے طبقات کے لئے آواز نہیں اٹھائی جا رہی ہے بلکہ انہیں ووٹ بینک کی طرح استعمال کیا جا رہا ہے اور استحصال کیا جارہا ہے۔
انہوں نے کہا کہ ان پچھڑے اور مظلوم طبقات میں سے قیادت کو ابھارا نہیں جارہا ہے۔ مجلس نے اس طرح کے حالات کا مشاہدہ کرنے کے بعد خود میدان میں اتر کر ووٹ مانگ رہی ہے تو کیا غلط کر رہی ہے؟ ووٹ مانگنا ہمارا جمہوری حق ہے۔
محمد اکبر نے عوام سے اپیل کی کہ وہ مجلس کے امیدوار عبدالرزاق بابا چودھری کے حق میں ووٹ دے کر انہیں کامیابی سے ہمکنار کریں۔
