ریاست کرناٹک کے ضلع یادگیر کے نئے ضلع انفارمیشن آفیسر قادر شاہ کی آمد پر ضلع محکمہ اطلاعات کے دفتر میں کرناٹک ورکنگ یونین آف جرنلسٹ ایسوسی ایشن یادگیر کی جانب سے تہنیت پیش کی گئی۔
اس موقع پر ضلع انفارمیشن آفیسر قادر شاہ نے کرناٹکا ورکنگ یونین آف جرنلسٹ ایسوسی ایشن کا شکریہ ادا کرتے ہوئے کہا کہ 'ضلع یادگیر میں صحافیوں کے جو بھی مطالبات رہیں گے ان کو حل کرنے کی کوشش کی جائے گی۔'
قادر شاہ نے مزید کہا کہ 'ریاستی حکومت کی جانب سے صحافیوں کے لیے تمام طرح کی سہولیات مہیا کرائی جائے گی۔'
وہیں کرناٹکا یونین آف ورکنگ جرنلسٹ ایسوسی ایشن کے صدر نے تمام صحافیوں کا نئے ضلع انفارمیشن آفیسر قادر شاہ سے تعارف کروایا۔
اس موقع پر کرناٹکا یونین آف ورکنگ جرنلسٹ ایسوسی ایشن کے صدر آندودھر، سیکرٹری روی کلکرنی، کمار سوامی کے علاوہ دیگر صحافی احباب موجود تھے۔
