ریاست کرناٹک کے دارالحکومت بنگلور میں بچوں میں عبادت کی عادت کے فروغ دینے کے لیے سائکلوں کی تقسیم کی گئی۔
ایک دور تھا جب مساجد میں عموماً ریٹائرڈ بزرگ ہی پائے جاتے تھے اور بچوں کو مسجد سے بھگایا جاتا تھا کہ بچے شور مچاتے ہیں۔
لیکن ان دنوں بزرگوار بچوں کو مسجد اور نماز کی طرف راغب کرنے کے لئے انعامات کے سلسلے کو شروع کیا گیا ہے۔
اس سلسلے میں شہر کے پلنا گارڈن کی مسجد انصار میں 40 دنوں تک بلا ناغہ نماز فجر ادا کرنے پر ان میں سائکلیں تقسیم کی گئی۔
غور طلب بات یہ ہے کہ بچوں نے ان سردیوں کے ایام میں بھی بلا ناغہ فجر کی نماز ادا کی۔
علماء کرام نے مسجد انتظامیہ کی اس پہل کی خوب ستائش کی اور مبارکباد پیش کی۔
شہر بنگلور کے تقریباً 36 مساجد میں یہ مجرب طریقہ کو اپناکر بچوں میں عبادت کے شوق کو بڑھایا جارہا ہے۔
اس موقع پر علماء نے بتایا کہ 'یہ کوئی نیا نہیں بلکہ پرانا طریقہ ہے جو پہلے ہوا کرتا تھا بس ہم نے اسے جاری نہ رکھنے کی کوتاہی کی تھی۔'
