وزیراعظم کی سالگرہ 'سیوا ہفتہ' کے طور منائی جائے گی

سیوا ہفتہ کے دوران پر بی جے پی کے کارکنان مختلف قسم کے فلاحی و عوامی کام کر رہے ہیں۔

ریاست کرناٹک کے ضلع یادگیر میں ملک کے وزیراعظم نریندر مودی کے 70ویں یوم پیدایش کے موقع پر یادگیر بی جے پی کی جانب سے سیوا ہفتہ کے طور پر مختلف پروگرام منائے جا رہے ہیں۔

ضلع بی جے پی سیکریٹری وینکٹ ریڈی نے میڈیا سے خطاب کرتے ہوئے کہا کہ ضلع بی جے پی کی جانب سے وزیر اعظم نریندر مودی کے جنم دن کے موقع پر سیوا ہفتہ کے طور پر بی جے پی کے کارکنان مختلف قسم کے فلاحی و عوامی کام کر رہے ہیں۔ جن میں غریب غرباء میں اناج تقسیم کرنا، شجرکاری مہم، خون کا عطیہ کیمپ، سرکاری دواخانوں کے مریضوں میں فوڈ میواجات کی تقسیم کے علاوہ دیگر کئی عوامی و فلاحی کام کئے جائیں گے۔انہوں نے بی جے پی پارٹی کے تمام قائدین، خواتین اور نوجوان اراکین کو بی جے پی پارٹی کے جانب سے کئے جارہے ایک ہفتے بھر کے لئے تمام پروگرامزس میں جوش و خروش کے ساتھ شرکت کرتے ہوئے تمام پروگرامزس کو کامیاب بنانے کی اپیل کی۔اس موقع پر ضلع اقلیتی یونٹ کے صدر ریاض احمد کے علاوہ دیگر موجود تھے۔