بنگلور میں شادی تقریب میں مہمان کے طور پر شرکت کرنے گئے شانتی نگر اسمبلی حلقہ کے رکن اسمبلی این اے حارث کے ساتھ دیگر 4 افراد بھی زخمی ہوگئے ۔
پولیس ذرائع کے مطابق یہ دھماکہ تقریب میں پٹاخے جلانے کی وجہ سے ہوا ہے، تاہم موقع واردات سے اس دھماکہ کی اشیاء کو تحقیقات کے لیے بھیج دیا گیا ہے تاکہ اس دھماکہ کی نوعیت کا پتہ لگایا جاسکے۔
اس موقع پر این اے حارث کے بیٹے نلپاڈ نے اس بات کا شبہ ظاہر کیا کہ یہ حملہ میرے والد پر ہی کیا گیا تھا ۔ کوئی دھماکہ خیز چیز ان پر آکر گری۔ انہوں نے بتایا کہ این اے حارث کو پیر اور کان پر چوٹ آئی ہے۔
موقع واردات پر پہنچے ڈی سی پی چیتن سنگھ نے بتایا کہ یہ کم شدت والا دھماکہ پٹاخے سے ہوا ہے۔ چونکہ چند پٹاخے جلے نہیں تھے وہ ایک ساتھ جلے، جس کی وجہ سے یہ دھماکہ پیش آیا۔
