ریاست کرناٹک کے شہر بنگلور کے ایلومینیم ہال میں آل انڈیا مہیلا سامس کروتیکہ سنگٹھن کی جانب سے عالمی یوم خواتین منایا گیا جس میں متعدد اہم شخصیات نے شرکت کی۔
اس موقع پر تنظیم کی سربراہ شوبھا نے کہا کہ 'مرکزی و ریاستی حکومتوں نے خواتین کے تحفظ کے متعلق کئی پالیسیاں بنائی ہیں لیکن زمینی سطح پر ان کا نفاذ بالکل بھی نہیں ہے۔'
شوبھا نے بتایا کہ 'ملک بھر میں خواتین پر آئے دن بڑھتے مظالم ظاہر کرتے ہیں کہ خواتین کو تحفظ فراہم کرنے میں حکومتیں ناکام ہیں۔'
اس موقع پر معروف سماجی کارکن ڈاکٹر میرا نے کہا کہ وہ خواتین کے کسی بھی معاملات میں، جیسے تعلیم، بیروزگاری و تحفظ، حکومت عمل پیرا ہو نہ کر صرف وعدے کرتے رہیں۔
ڈاکٹر سُدھا نے نربھیا معاملے میں مجرمین کی سزا میں تاخیر پر افسوس کا اظہار کیا، انہوں نے کہا کہ '3 ماہ کی چھوٹی و معصوم بچیوں کے ساتھ بھی جنسی زیادتی جیسے واقعات ہو رہے ہیں جو کہ نہایت ہی افسوس کی بات ہے۔
