بنگلورو تشدد معاملے میں گرفتار مسلم نوجوانوں کی رہائی اور کسان تحریک کی حمایت کی مانگ کے ساتھ کرناٹک مسلم متحدہ محاذ کی جانب سے بتاریخ 22 جنوری کو بنگلور بند کا اعلان کیا گیا تھا اور بنگلور کے لوگوں سے گزارش کی گئی تھی کہ اپنے کاروبار و تجارت سے پرہیز کر اپنے گھروں پر ہی رہیں۔
اس درمیان قانونی کارروائی کے دوران ڈی جے ہلی تشدد کے ملزمین میں سے ایک ملزم کی رہائی عمل میں آئی ہے اور 22 افراد کی ضمانت منظور ہوئی ہے۔
جس کے بعد سے کرناٹک مسلم متحدہ محاذ نے قیاس کیا ہے کہ یہ ان کے بند کے اعلان کا نتیجہ ہے۔ لہٰذا محاذ کے رہنماؤں نے متفقہ طور پر 22 جنوری کے بند کو ملتوی کرنے کا فیصلہ کیا ہے۔
مزید پڑھیں:
علماء و حفاظ کے لئے مفت موبائل جرنلزم کورس
اس موقع پر نامہ نگاروں سے بات کرتے ہوئے مولانا افتخار قاسمی نے بتایا کہ ہم آنے والے دنوں میں اس بات کا مشاہدہ کریں گے کہ ڈی جے ہلی معاملے میں کس قدر معصوم ملزمین کی رہائی ہوگی اور اس کے بعد پھر دیکھا جائے گا اور بند کے اعلان کے متعلق سوچا جائے گا۔
