بنگلور: قرنطینہ مراکز میں تمام سہولیات فراہم کی جائیں

عالمی وبا کورونا وائرس سےتحفظ کے سلسلے میں تقریبا دنیا بھر میں لاک ڈاؤن کا نفاذ ہوا ہے جس کی وجہ سے بیشمار بھارتی اس کا شکار ہوئے ہیں. خاص طور پر کرناٹک سے تعلق رکھنے والے لوگ خلیجی ممالک میں بر سر روزگار ہیں جو اس لاک ڈاؤن میں پھنسے ہوئے ہیں.

اس سلسلے میں نیشنل ڈیموکریٹک پارٹی آف انڈیا کے جنرل سکریٹری عبد الحنان کا کہنا ہے کہ غیر ممالک سے آنے والے یعنی این آر آیئز کو کرناٹک لوٹنے پر کورنٹائین رکھا جا رہا ہے، انہوں نے کہا کہ جن افراد کے پاس ذاتی سہولیا ت کی گنجائش نہیں ہے انہیں سرکاری کورنٹائین سینٹر میں بھیجا جارہا ہے ۔جہاں بنیادی سہولیات تک مہیا نہیں ہیں.

عبد الحنان نے حکومت سے مطالبہ کیا کہ مشرق وسطیٰ سے لوٹنے والے این آر آئز کو بنگلور میں صحیح طور پر تمام سہولیات فراہم کی جائیں۔