کورونا وائرس سے بچنے کے لیے عوام میں شعور بیداری پروگرام منعقد کئے جارہے ہیں اور دیہاتوں میں کورونا وائرس سے متعلق معلومات فراہم کرنے کے لیے شعور بیداری پروگرام کے تحت گاڑیوں کے ذریعے کورونا وائرس سے بچنے کے لئے بتائے گئے احتیاطی اقدامات پر عمل کرنے کا اعلان کیا جا رہا ہے۔
ضلع یادگیر کے تعلقہ شورا پور میں محکمہ پولیس کی جانب سے عوام میں کورونا وائرس اور ٹریفک نظام میں بہتری کے لیے شعور بیداری پروگرام کے ضمن میں پولیس پریڈ منعقد کی گئی۔
جو شہر کے پربھو کالج میدان سے روانہ ہو کر سنٹرل بس اسٹینڈ، دفتر بلدیہ کے علاوہ گاندھی چوک گوپال سوامی مندر تک یہ پریڈ کی گئی۔
اس موقع پر ڈپٹی سپرنٹنڈنٹ آف پولیس وینکٹیش نے بتایا کہ ابھی کورونا کی وبا مکمل طور پر ختم نہیں ہوئی ہے۔ عوام کو چاہیے کہ احتیاطی تدابی پر سختی کے ساتھ عمل کریں۔
انہوں نے کہا کہ ہمیشہ ماسک کا استعمال کریں اور خاص کر سماجی فاصلہ بنائے رکھیں۔
انہوں نے مزید کہا کہ کووڈ گائیڈ لائن پر عمل کرنا چاہئے۔ شہر میں پارکنگ نظام کو بہتر کرنا ہوگا۔ ممنوع جگہ پر ہرگز گاڑیاں پارک نہیں کرنی چاہیے ہیلمٹ کا استعمال لازمی قرار دیا گیا ہے۔
مزید پڑھیں:
اس موقع پر محکمہ پولیس کے ذمہ داران کے علاوہ پولیس عملہ اور ہوم گارڈ عملہ بھی پریڈ میںشریک رہے۔
