آستانے کے خادم خورشید احمد نے میڈیا سے بات چیت میں بتایا کہ ہر سال ماہ محرم کی 22 تاریخ کو حضرت سید چاند شاہ ولی المعروف اسماعیل شاہ قادری و سیلانی جیلانی بابا کا سالانہ لنگر مبارک نہایت عقیدت و احترام سے منایا جاتا ہے۔
حضرت سید چاند شاہ اسماعیل قادری کے لنگر کا اہتمام
انہوں نے بتایا کہ موجودہ صورتحال کو نظر میں رکھتے ہوئے اس سال نہایت سادگی کے ساتھ یہ پروگرام منایا جا رہا ہے۔
انہوں نے کہا کہ حضرت سید چاند شاہ ولی و سیلانی جیلانی بابا آستانہ حضرت سید شاہ جیون شاہ رحمتہ اللہ علیہ کے خاندان سے ہیں۔
واضح رہے کہ کورونا وائرس سے بچنے کے لیے احتیاطی اقدام کے تحت تمام مذہبی و دیگر پروگرام ہی مختصر طور پر منعقد ہورہے ہیں۔ کورونا گائیڈ لائن احکامات کے پیش نظر بزرگان دین کے سالانہ لنگر و عرس کی تقریب نہایت ہی مختصر اور سادگی کے ساتھ ادا کی جارہی ہے۔
