کرناٹک مسلم یوتھ کمیٹی یادگیر کے صدر ذاکر احمد نے صحافیوں سے بات کرتے ہوئے کہا کہ باجماعت نماز ادا کرنے کے لیے حکومت اور کرناٹک اسٹیٹ وقف بورڈ کی جانب سے ہدایت جاری کی گئی ہے۔
اس میں مسجد کو وقفے وقفے سے ڈیٹول، فنائل جراثیم کش دوا سے صاف کرنے ، مسجد میں داخل ہونے سے پہلے اپنے ہاتھوں کو سینیٹائزر سے صاف کرنے کے علاوہ دیگر ہدایات جاری کی گئی ہیں ۔
ذاکر احمد نے کہا کہ کرناٹک اسٹیٹ وقف بورڈ سے ہم اپیل کرتے ہیں کہ کرناٹک اسٹیٹ وقف بورڈ کی جانب سے مساجد کو خصوصی فنڈ جاری کریں۔
انہوں نے مزید کہا کہ تمام مساجد گزشتہ تقریبا تین ماہ سے باجماعت نماز ادا کرنے کے لیے مساجد میں پابندی تھی جس کی وجہ سے لوگ مسجد میں نماز ادا کرنے کے لیے نہیں جا سکے اور مساجد میں جمع ہونے والی رقم، عوام سے جو امداد ملا کرتی تھی وہ بھی رک گئیں ۔جس کے چلتے مساجد کے ذمہ داران کافی پریشان ہیں۔اس لیے کرناٹک اسٹیٹ بورڈ ان حالات کو دیکھتے ہوئے مساجد میں بہتر احتیاطی اقدامات کرنے کے لیے مساجد کو خصوصی فنڈ جاری کریں۔
اس موقع پر کرناٹک مسلم یوتھ کمیٹی یادگیر کے سکریٹری محمد حنیف بھی موجود تھے۔
