یادگیر بلدیہ کمشنر کی عوام سے اپیل

اس ماہ میں جائیداد ٹیکس ادا کرتے ہیں تو پانچ فیصد رعایت دی جائے گی یہ موقع 31 جولائی تک رہے گا۔

ریاست کرناٹک کے ضلع یادگیر کے بلدیہ کمشنر بھما نائک نے میڈیا سے بات کرتے ہوئے کہا کہ موسمی بارش کے ساتھ ہی شہر کی سڑکوں کے دونوں جانب فٹ پاتھ اور اس کے اطراف جھاڑیوں کی کٹوائی کی جارہی ہے۔

اس کے علاوہ شہر کی سڑکوں کے بیچ میں گھاس کو بھی تراشہ جارہا ہے شہر میں کئی جگہ پر شجر کاری کی گئی ہے ۔

شہر کو ہرا بھرا رکھنے کی غرض سے تمام تر کوشش کی جا رہی ہے۔

انہوں نے عوام سے کہا کہ بارش کے موسم میں صاف صفائی کا خاص خیال رکھیں اپنے گھر کے اطراف اکناف کچرا اور پانی جمع ہونے نہ دیں ۔

کمشنر بلدیہ نے مزید کہا کہ جو لوگ جائیداد ٹیکس ادا نہیں کیے ہیں ان سے اپیل کی جاتی ہے کہ جلد از جلد جائیداد ٹیکس ادا کریں۔

اس ماہ میں جائیداد ٹیکس اگر ادا کرتے ہیں تو پانچ فیصد رعایت دی جائے گی یہ موقع 31 جولائی تک رہے گا۔

انہوں نے کہا کہ ماہ اگست میں اگر جائیداد ٹیکس ادا کرتے ہیں تو ٹیکس میں 2فیصد کا اضافہ ہوگا ۔

جائیداد ٹیکس کے علاوہ محکمہ بلدیہ کی دکانوں کے کرایہ بھی ادا کریں۔

کمشنر بلدیہ نے کہا کہ عوام محکمہ بلدیہ کا تعاون کرے بلدیہ آپ تمام کی خدمت کے لیے 24 گھنٹے تیار ہے۔