کرناٹک کے ضلع یادگیر کے تعلقہ شاہ پور ٹاؤن کے و شنوی لاج میں غیر قانونی طور پر جمع کی جارہی شراب کی پولیس کو اطلاع ملی تھی۔ جس کے بعد پولیس نے اس جگہ پہنچ کر ایک لاکھ 76 ہزار روپے کی مالیت کی شراب کو ضبط کیا۔
سپرینٹنڈنٹ آف پولیس یادگیر رشی کیش بھگوان کی نگرانی میں ڈی ایس پی وینکٹیش کی قیادت میں ٹیم نے ایک شخص کو بھی گرفتار کیا ہے۔ پولیس یہ پتہ لگانے کی کوشش کر رہی ہے کہ یہ شراب کہاں فروخت کے لیے جانے والی تھی۔
اس موقع پر محکمہ پولیس کے عہدے داران کی ٹیم میں اوماکانت، منجو ناتھ، ڈرائیور چندپا موجود تھے۔
