ریاست کرناٹک کے ضلع یادگیر میں فیڈریشن آف کرناٹکا الیکٹرسٹی بورڈ، ایمپلائز یونین ایسوسی ایشن، کرناٹکا پاور ٹرانسمیشن ایمپلائز یونین اور آفیسرز ایسوسی ایشن فیڈریشن کی جانب سے الیکٹریسٹی امینڈمنٹ بل 2021 کے خلاف ایک اجلاس منعقد ہوا۔
مرکزی حکومت کی جانب سے محکمہ بجلی کو خانگی کمپنیوں کے حوالے کئے جانے کے خلاف محکمہ بجلی کے اعلی ذمہ داران اور ایمپلائز ایسوسی ایشن انجینئرز ایسوسی ایشن نے اس اجلاس میں شرکت کی۔
اس موقع پر ایمپلائز ایسوسی ایشن کے ضلع سیکریٹری ہنمنت ریڈی نے میڈیا سے بات کرتے ہوئے کہا کہ 'مرکزی حکومت محکمہ بجلی کو خانگی کمپنیوں کے حوالے کرنا چاہتی ہے ہم سب اس بل کے خلاف ہیں۔'
اس بل کو عمل میں نہ لانے کے لئے محکمہ بجلی کے اعلی ذمہ داران اور ورکرز ایسوسی ایشن کے ذمہ داران مرکزی حکومت کے خلاف جنتر منتر پر احتجاج کر رہے ہیں۔ انہوں نے کہا کہ 'مرکزی حکومت اگر اس بل کو واپس نہیں لیتی ہے تو 10 اگست کو ہم ملک بھر میں مرکزی حکومت کے اس فیصلے کے خلاف احتجاج کریں گے۔'
یہ بھی پڑھیں: ترال: رابطہ پل ڈہہ جانے کے سبب لوگوں کو مشکلات
ہنمنت ریڈی نے مزید کہا کہ 'ضلع یادگیر میں بھی 10 اگست کو احتجاج منعقد کیا جائے گا اس احتجاج کی صورت کیا ہوگی یہ ہمارے اعلی ذمہ داران کی ہدایت پر ہم عمل کریں گے۔
اس موقع پر ضلع یادگیر کے علاوہ تعلقہ شاہ پور، گرمٹکل، سر پور اور محکمہ بجلی میں کام کرنے والے عہدیداران نے اس اجلاس میں شرکت کی۔
