ریاست کرناٹک کے ضلع یادگیر میں کورونا وائرس سے متاثر ہونے والے لوگوں کی تعداد میں برابر اضافہ ہورہا ہے۔
ضلع انتظامیہ کی ہدایت پر محکمہ صحت کی جانب سے ریلوے اسٹیشن، ڈسٹرکٹ بس اسٹینڈ میں عوام کو مفت کورونا ٹیسٹ کروانے کی سہولت رکھی گئی ہے۔
اس کے علاوہ مختلف علاقوں میں کورونا ٹیسٹ محکمہ صحت کی جانب سے کروائے جا رہے ہیں۔ ساتھ ہی محکمہ بلدیہ کی جانب سے شہر میں ماسک نہ لگانے والوں پر اور سماجی فاصلہ برقرار نہ رکھنے والوں پر جرمانہ بھی عائد کیا جا رہا ہے۔
کورونا وائرس سے بچنے کیلئے احتیاطی اقدامات اور ہر ممکن کوشش کی جارہی ہے، باوجود اس کے ہر روز کورونا سے متاثر افراد کی تعداد میں اضافہ ایک تشویشناک بات ہے۔
یادگیر میں آج 73 نئے معاملوں کو ملا کر جملہ کورونا سے متاثر ہونے والوں کی تعداد 9398 ہوگئی ہے۔ 54 افراد کورونا سے صحت یاب ہوکر ڈسچارج ہوئے ہیں جن کو ملا کر کورونا وائرس سے متاثر ہوکر صحتیاب ہو نے والے لوگوں کی تعداد 8306 ہو گئی ہے جبکہ 1035 اب بھی ضلع کے سرکاری کووڈ ہسپتال میں زیر علاج ہیں۔ وہیں ضلع میں اب تک کورونا سے مرنے والے لوگوں کی تعداد 57 ہوگئی ہے۔
