مظاہرہ حوزہ علمیہ اثنا عشریہ سے ہوتے ہوئے مین بازار سے واپس حوزہ علمیہ چوک پر اختتام پذیر ہوا۔
اس دوران مظاہرین جم کر اس سفاکانہ حملے کی مذمت میں نعرے بلند کر رہے تھے۔
ویڈیو دیکھیں
حوزہ علمیہ چوک پر مظاہرین سے مخاطب کرتے ہوئے مقررین نے اس حملے کو نسل پرستی کا بدترین واقعہ قرار دیا اور اس قسم کے دہشت گردانہ حملوں پر فی الفور روک لگائے جانے کا مطالبہ کیا۔
ذرائع ابلاغ کے نمائندوں سے بات کرتے ہوئے صدر انجمن جمعیت العلما اثنا عشریہ شیخ ناظر المہدی نے نیوزی لینڈ کی وزیر اعظم اور وہاں کی عوام کے رول کی سراہنا کی۔
ان کا کہنا تھا کہ ’’یہ واقعہ یورپ میں پھیلتی ہوئی نسل پرستی کی وجہ سے ہوا ہے۔‘‘ انہوں نے اس موقعے پر حقوق انسانی کے عالمی ادارے بالخصوص اقوام متحدہ کی ’خاموشی‘ پر بھی نکتہ چینی کی۔
قابل ذکر ہے کہ کرائسٹ چرچ دہشت گردانہ واقعے کی مذمت میں گزشتہ شام لیہہ میں بھی ایک کینڈل مارچ نکالا گیا۔ اس مارچ میں مذہبی و سیاسی شخصیات نے شرکت کی۔
