نمائندے کے مطابق کرگل ضلع انتظامیہ نے پیر کو سورو وادی کے مختلف دیہات، برسو نالہ اور اسٹکپا امبا سے تعلق رکھنے والے چار سو سے زائد پھنسے ہوئے افراد کو اپنے متعلقہ دیہات کی طرف روانہ کیا جو کووڈ 19 وبا کے پیش نظر جاری لاک ڈاؤن کی وجہ سے کرگل ٹاؤن میں پھنسے ہوئے تھے۔
پھنسے مسافروں کو ایس آر ٹی سی اور نجی بسوں میں روانہ کیا گیا جبکہ سماجی دوری کے اصولوں کی پاسداری کا لحاظ رکھتے ہوئے تمام مسافروں کو روانہ کیا گیا۔
قابل ذکر ہے کہ درماندہ افراد کی جانب سے اس بات کی مانگ بڑھ رہی تھی کہ انہیں کھیتی باڑی کے موسم کے ساتھ ساتھ رمضان کے مقدس مہینے کے پیش نظر گھروں کی طرف بڑھنے دیا جانا چاہئے۔
دریں اثناء کرکل کے ایگزیکیٹو کونسلر، کونسلر، بی ڈی سی چیئرمینوں، سرپنچوں اور متعلقہ علاقوں کے پنچوں نے ان افراد کو اپنے گھروں کی طرف جانے کی اجازت دینے پر ضلع انتظامیہ کا شکریہ ادا کیا ہے۔
