نمائندے کے مطابق بھاجپا کرگل اور لیہہ نے ہل کونسل کرگل کو کورونا کے خلاف صف اول میں کام کر رہے محکمہ صحت کے عملہ کی حفاظت کے لیے ماسکس اور سینیٹائرز کا عطیہ پیش کیا۔
اس موقعے پر چیف ایگزیکٹو کونسلر فیروز احمد خان نے رکن پارلیمینٹ لداخ کا شکریہ ادا کرتے ہوئے ان کے اس عطیہ کو ضرورت مندوں تک پہنچانے کی یقین دہانی کرائی۔
بھارتیہ جنتا پارٹی لیہہ کے صدر دورجے انچوک نے رکن پارلیمان لداخ کے اس عطیہ کی سراہنا کرتے ہوئے کہا کہ ’’مرکز کے زیر انتظام خطہ لداخ میں صف اول میں کورونا کے خلاف جنگ میں کھڑے سبھی افراد کے لیے بھاجپا کی جانب مستقبل میں بھی اس طرح کے عطیات اور حفاظتی بندوبست کا انتظام جاری رکھا جائے گا۔‘‘
وہیں بھارتیہ جنتا پارٹی کرگل کے صدر نے عوام سے اپیل کی کہ وہ کورونا وائرس سے نمٹنے کے لئے محکمہ صحت کی ایڈوائزری پر عمل کریں۔
اس دوران چیف ایگزیکٹو کونسلر کرگل فیروز احمد خان، ایگزیکٹو کونسلر برائے صحت محمد علی چندن، سی ایم او کرگل ڈاکٹر محمد ابراہیم، بی جی پی یونٹ لیہہ اور کرگل کے صدر اور باقی پارٹی ممبران بھی موجود تھے۔
