جھارکھنڈ کے دھنباد میں ایک ایڈیشنل ڈسٹرکٹ جج کے مبینہ قتل معاملے میں سپریم کورٹ نے ازخود نوٹس لیا ہے۔ سپریم کورٹ نے کہا کہ یہ عدالت ملک میں جوڈیشل افسران کی سلامتی سے نمٹنا چاہتی ہے۔
سی جے آئی این وی رمنا کی سربراہی والی بنچ نے اس معاملے میں ازخود نوٹس لیا اور کہا کہ عدالت کے اندر اور باہر کئی عدالتی افسران اور وکلا پر مبینہ حملوں کے معاملے سامنے آئے ہیں۔
سپریم کورٹ نے ریاست کے چیف سکریٹری اور ڈی جی پی جھارکھنڈ کو ایک ہفتے میں تحقیقات کی صورتحال سے متعلق رپورٹ پیش کرنے کی ہدایت کی ہے۔ اس سے یہ بھی واضح ہے کہ سپریم کورٹ، جھارکھنڈ ہائی کورٹ کی کارروائی میں مداخلت نہیں کررہا ہے۔ واضح رہے کہ اس معاملے میں بار کونسل نے سپریم کورٹ کا دروازہ کھٹکھٹایا تھا۔
