بہار کے سابق وزیر اعلی اور آر جے کے سربراہ لالو یادو کی بیوی رابڑی دیوی رانچی پہنچیں۔وہ ایئر پورٹ سے سیدھے رانچی کی ہوٹل ریڈیشن بلیو روانہ ہوئیں۔ جس کے بعد وہ رمس جائیگی، جہاں وہ لالو یادو سے ملاقات کریں گی۔
واضح رہے کہ یہ پہلا موقع ہے جب چارہ گھوٹالہ معاملے میں لالو یادو کے جیل میں بند ہونے کے بعد رابڑی دیوی رانچی آئی ہیں۔
رابڑی دیوی صبح 11 بجے برسا منڈا ائیرپورٹ پہنچی، جہاں آر جے ڈی کے ریاستی صدر سمیت کارکنوں نے ان کا استقبال کیا۔
لالو یادو رانچی کے رمس اسپتال میں زیر علاج ہیں۔یہیں رابڑی دیوی ان سے ملاقات کریں گی۔
واضح رہے کہ رابڑی دیوی نے حال ہی میں اپنی آنکھوں کا آپریشن کرایا ہے تب سے وہی دہلی میں تھی۔رانچی میں لالو یادو سے ملاقات کرنے کے بعد رابڑی دیوی پٹنہ واپس لوٹ جائیں گی۔ ویسے تو ہر سنیچر کے روز کوئی نہ کوئی لالو یادو سے ضرور ملنے آتے ہیں
تیجسوی یادو، تیج پرتاپ یادو، میسا بھارتی سمیت لالو یادو کے خاندان کے سبھی رکن ان سے ملاقات کرچکے ہیں، لیکن یہ پہلی بار ہوگا کہ رابڑی دیوی اپنے شوہر سے ملاقات کریں گی، ان کے ساتھ ان کی بیٹی میسا بھارتی بھی ملاقات کریں گی۔
