بیورو ذرائع نے بتایاکہ ضلع کے مفصل تھانہ علاقہ کے بیل ڈانگا گاﺅں باشندہ انسان شیخ نے بیورو میں تحریری شکایت درج کرائی تھی کہ ایک منصوبہ کے تحت ان کی زمین پر تین لاکھ 58 ہزار 600 روپے کی رقم سے تالاب تعمیر کرائی جارہی ہے۔
مذکورہ رقم میں سے انہیں ایک لاکھ 36 ہزار روپے مل چکے ہیں اور تالاب کی تعمیر کاکام بھی پورا ہوچکا ہے۔ بقیہ دو لاکھ 22 ہزا ر روپے کی ادائیگی کیلئے جونیئر انجینئر روی راکیش نے بطور رشوت پچاس ہزار روپے کا مطالبہ کیا ہے۔
ذرائع نے بتایاکہ معاملے کی تصدیق کے دوران رشوت مطالبے کے ثبوت ملے۔ اس کے بعد 15 جولائی کو ایک ایف آئی آر درج کر کے ملزم کی گرفتاری کیلئے خصوصی ٹیم کی تشکیل کی گئی۔
جونیئر انجینئر جمعہ کو پاکوڑ کے ان پورنا کالونی واقع اپنی رہائش پر شکایت کنند سے 30 ہزار روپے لے رہا تھا تبھی بیورو کی ٹیم نے اسے رنگے ہاتھ گرفتار کر لیا۔
گرفتار ملزم کو بیورو دفتر دمکا لایاجارہا ہے جہاں تفتیش کے بعد اسے خصوصی عدالت میں پیش کیاجائے گا۔
