اطلاعات کے مطابق کورونا وائرس کو لے کر ملک میں لاک ڈاؤن نافذ کیا گیا ہے جس کے بعد سے سڑکوں پر اور معاشرے میں، ڈاکٹر انتظامیہ اور میڈیا اپنی پوری ذمہ داری ادا کرتے ہوئے نظر آ رہے ہیں۔
اس دوران جمشید پور کے باگبیڑا علاقے کے ہرہرگٹرٹو علاقے میں بینگلورو سے ایک نوجوان کی آنے کی اطلاع ای ٹی وی بھارت کو ملی تھی ۔
اس کے بعد ای ٹی وی بھارت کے صحافی نے اس شخص کی شناخت کرتے ہوئے، اس کی اطلاع کورونا کنٹرول روم کو دی، جس کے تھوڑی دیر بعد باگبیڑا پہنچی میڈیکل کی ٹیم نے اس شخص کی جانچ کی اور اس کے ہاتھ پر ہوم كورونٹائن کا اسٹامپ لگایا۔
ڈاکٹر نے نوجوان کو کورونا سے بچنے کے لئے کئی ہدایات پر بھی عمل کرنے کو کہا، وہیں طبی ٹیم کے ڈاکٹر اسد نے بتایا ہے کہ نوجوان کی ابتدائی جانچ کر اس کے ہاتھ میں ہوم كورونٹائین کا اسٹامپ لگایا گیا ہے،اور 14 دنوں تک گھر کے كورونٹائن میں رہ کر احتیاط برتنے کو کہا گیا ہے۔ طبیعت خراب ہونے پر ڈاکٹر کو اطلاع دینے کی بھی ہدایت دی گئی ہے۔
واضح رہے کہ اس پورے معاملے کے بعد ڈاکٹرز کی ٹیم نے ای ٹی وی بھارت کا شکریہ ادا کرتے ہوئے کہا کہ ای ٹی وی نے نوجوان کی شناخت کر اس کی انکوائری کرا کر اسے گھر تک پہنچانے میں مدد کی ہے، جو کہ قابل ستائش قدم ہے.
