ریاست جھارکھنڈ کے اسمبلی انتخابات کے چوتھے مرحلے کے لیے آج صبح سات بجے سے سخت سکیورٹی کے درمیان پولنگ جاری ہے۔ ٹھنڈ ہونے کی وجہ سے لوگ اپنے گھروں سے تاخیر سے نکل رہے ہیں۔ لیکن کچھ پولنگ بوتھوں پر صبح میں بھیڑدیکھنے کو ملی۔
جھارکھنڈ میں چوتھے مرحلے کی ووٹنگ 5 بجے تک 62.33 فیصد ہوئی ہے۔
جھارکھنڈ کے چاراضلاع دھنباد ، دیوگھر ، گریڈیہہ اور بوکارو پر مشتمل 15 اسمبلی حلقوں میں صبح 7 بجے سے رائے دہی کاآغاز ہوا۔
ماؤ نوازوں سے متاثرہ بگودر ، جموا ، گریڈیہہ، دومری اور تندی حلقوں میں رائے دہی دن میں 3 بجے تک جاری رہے گی جبکہ باقی 10 حلقوں میں ووٹنگ کاسلسلہ شام 5 بجے تک جاری رہے گا ۔
15 اسمبلی نشستوں کے لئے 221 امیدوار میدان میں ہیں ۔ بوکارو میں سب سے زیادہ 25 امیدوار میدان میں ہیں جبکہ نرسا میں ان کی تعداد صرف 8 ہے ۔
