ریاست جھارکھنڈ میں الیکشن ڈیوٹی پر ہماچل پردیش کے ضلع کانگڑا کے میهركا گاؤں کے رہنے والے جوان شیر سنگھ کی جھارکھنڈ کے گملا علاقے میں گزشتہ روز کرنٹ لگنے سے موت ہو گئی۔ جوان ہند تبت بارڈر پولس ( آئی ٹی بی پی) میں تعینات تھا۔
وائرلیس آپریٹر شیر سنگھ آئی ٹی بی پی کی ٹیم کے ساتھ جھارکھنڈ کے گملا میں ٹھہرے تھے جہاں گذشتہ روز وائرلیس اسٹیشن سیٹ پر کام کرتے ہوئے وہ ہائی ٹینشن تار کی زد میں آ گئے۔
انہیں فوری طور پر گملا صدر ہسپتال پہنچایا جہاں ڈاکٹروں نے انہیں مردہ قرار دے دیا۔ پوسٹ مارٹم کے بعد شیر سنگھ کا جسد خاکی سی آر پی ایف کے ذریعہ ان کے آبائی گاؤں لایا جائے گا۔
شیر سنگھ کے والد گرمیل سنگھ اور چھوٹا بھائی ستیش کمار پرائیویٹ شعبے میں کام کر رہے ہیں۔
