رانچی: جھارکھنڈ کے وزیر اعلیٰ ہیمنت سورین نے منگل کو یو پی اے اتحاد کے اپنے 32 ایم ایل ایز کو رانچی سے چھتیس گڑھ کے رائے پور منتقل کر دیا۔ تمام ایم ایل ایز آج شام تقریباً4:45 بجے انڈیگو کے خصوصی طیارے سے رانچی ایئرپورٹ سے رائے پور کے لیے روانہ ہوئے۔
وزیراعلیٰ سورین خود ان ایم ایل ایز کے ساتھ اپنی سرکاری رہائش گاہ سے ایرپورٹ پہنچے۔ یہ ایم ایل ایز، جو دو بسوں میں تھے، پہلے وزیر اعلیٰ کی رہائش گاہ پر جمع ہوئے تھے اور یہاں سے ایک ساتھ رانچی کے برسا منڈا ہوائی اڈے کے لیے روانہ ہوئے۔ وزیراعلیٰ مسٹر سورین خود بھی بس میں تھے۔
اگرچہ وزیر اعلیٰ رائے پور نہیں گئے ہیں، لیکن ان کے تمام 32 ایم ایل اے تقریباً 5.45 بجے رائے پور پہنچ گئے۔ رائے پور میں ایم ایل اے کو پرتعیش ریزورٹ میں ٹھہرایا گیا ہے۔ ان ایم ایل اے میں جے ایم ایم، کانگریس اور آر جے ڈی کے ایم ایل اے شامل ہیں۔
یو این آئی
