ملک کے سابق وزیر اعظم آنجہانی راجیو گاندھی کی برسی پر جھارکھنڈ کے وزیر اعلیٰ ہیمنت سورین نے آج انہیں خراج عقیدت پیش کیا۔
وزیراعلیٰ ہیمنت سورین نے جمعہ کو آنجہانی راجیو گاندھی کو سلام پیش کیا اور انہیں گلہائے عقیدت پیش کرتے ہوئے کہا کہ وزیر اعظم کے طور پر ملک کی ہمہ جہت ترقی میں ان کے تعاون کو ہمیشہ یادر کھا جائے گا۔ وہ عوامی لیڈر تھے ۔ ملک اور ملک کے باشندوں کے مفادات ان کے لئے ہمیشہ سب سے مقدم رہے ۔
ہیمنت سورین نے کہا کہ آنجہانی گاندھی نے لوگوں کی فلاح کیلئے کئی منصوبوں کو شروع کئے اور وزیراعظم عہدے پر رہنے کے دوران انہوں نے جو قومی پالیسیاں بنائی اس سے عالمی سطح پر بھارت کو الگ شناخت اور مضبوطی ملی۔ ملک کیلئے اپنی جان قربان کرنے والے سابق وزیراعظم آنجہانی راجیو گاندھی کو ۔ بار ۔ بار سلام۔
(یو این آئی)
