مریض کو لیکر ٹھیلے سے ہسپتال پہنچے اہل خانہ

جھارکھنڈ میں صحت کی خدمات اس حد تک خراب ہیں کہ مریضوں کو ایمبولینس تک نہیں مل پاتی ہے۔ منگل کے روز مریض کو ایمبولینس نہیں مل سکی۔ اس پر مریض کو ٹھیلے پر ریمس لانا پڑا۔ دارالحکومت رانچی کے سکھ دیو ویہار کے پاس سے اہل خانہ مریض کو ٹھیلے پر لےکر پہنچے۔

مریض کے لواحقین نے بتایا کہ کچھ دن پہلے ایک حادثے میں مریض کا پیر ٹوٹ گیا تھا، جس کے بعد اسے منگل کے روز بہت زیادہ تکلیف ہونے لگی۔ اس پر بہتر علاج کے لیے ریمس لانا تھا لیکن ایمبولنس نہیں ملنے پر مریض کو ٹھیلے پر ہی ہسپتال لانا پڑا۔

مریض کو ٹھیلے پر لانے کا سبب پوچھنے پر صحافیو سے ان کے اہل خانہ نے بتایا کہ ہم لوگ بہت ہی مجبوری میں مریض کو ٹھیلے پر لائے ہیں۔ اس معاملے پر انتظامیہ کچھ بھی بولنے کو تیار نہیں ہے۔