رکن پارلیمان کے دہلی سے دھن آباد کے سفر کے بارے میں معلومات حاصل کرنے کے بعد ضلع انتظامیہ نے آج ایک میڈیکل ٹیم ان کی رہائش گاہ پر بھیجی۔ ٹیم کے ذریعہ انہیں گھر میں قرنطین کیا گیا ہے۔ اس کے ساتھ ہی میڈیکل ٹیم نے رکن پارلیمان کا نمونہ لےکر جانچ کے لیے بھیج دیا ہے۔
لوک سبھا اجلاس کی وجہ سے رکن پارلیمان پشوپتی ناتھ سنگھ دہلی میں تھے اور اسی دوران ملک میں لاک ڈاؤن نافذ ہو گیا۔ اس کی وجہ سے رکن پارلیمان پی این سنگھ دہلی میں ہی پھنس گئے تھے۔
ٹرین اور ہوائی جہاز منسوخ ہونے کے بعد پی این سنگھ سڑک کے ذریعہ دھن آباد پہنچنے پر مجبور ہوگئے۔ جب اس بارے میں دھن آباد ڈسٹرکٹ ہیلتھ ڈیپارٹمنٹ کو اطلاع ملی تو محکمہ صحت کی ٹیم کو ان کی رہائش گاہ پر بھیجا اور انہیں گھر میں ہی قرنطین کیا گیا۔
ڈاکٹر راج کمار سنگھ نے کہا کہ '14 دن تک رکن پارلیمان اپنے گھر میں ایک دوسرے سے دوری بنا کر رہیں گے۔ میڈیکل ٹیم نے جانچ کے لیے نمونے لیے ہیں۔
