رانچی: جھارکھنڈ میں کورونا وائرس کو دیکھتے ہوئے انتظامیہ نے مکمل طور پر الرٹ کر دیا ہے، وہیں جھارکھنڈ کے رمس ہسپتال میں زیر علاج بہار کے سابق وزیر اعلی لالو پرساد یادو سے ملاقات پر بھی مکمل روک لگا دی گئی ہے،سنیچر کے روز لالو یودو سے ملنے بڑی تعداد میں ان کے چاہنے والے رمس پہنچتے ہیں ۔
اسی دوران ، سکیورٹی اہلکاروں کا کہنا تھا کہ یہ فیصلہ کورونا وائرس کے پھیلنے کے پیش نظر احتیاط کے طور پر لیا گیا ہے۔ فی الحال ، اگلے حکم تک کسی بھی چاہنے والوں کو لالو یادو سے ملنے کی اجازت نہیں ہوگی۔
وہیں اس ہفتہ لالو یادو سے بڑی تعداد میں لوگ ملاقات کرنے پہنچے تھے، لیکن انہیں ڈیزاسٹر مینجمنٹ کی جانب سے جاری حکم کے بعد مایوس لوٹنا پڑا ہے ۔
واضح رہے کہ لالو یادو کی بڑی بیٹی میسا بھارتی بھی اپنے والد سے ملنے کے لئے رانچی آئی ہوئی تھی جبکہ راسٹریہ جنتا دل کے رکن اسمبلی چندن کمار بھی پہنچے تھے لیکن اجازت نہیں ملنے کے بعد انہیں مایوس لوٹنا پڑا۔
