جموں پھر سے گندگی کا شہر کیوں؟

ای ٹی وی بھارت نے جموں میونسپل کارپوریشن کی کمشنر اونی لواسہ سے جاننے کی کوشش کی۔

جموں شہر کو قومی سوچھتا سروے کے تحت پھر سے ایک بار گندگی کا شہر قرار دیا گیا ہے۔ جس سے جموں میونسپل کارپوریشن پر سوالیہ نشان لگ گیا ہے۔ وہیں دوسری جانب چند روز قبل شہر خاص جموں کے مختلف وارڈوں بالخصوص وارڈ نمبر 73-74 میں بارشوں نے تباہی مچا دی۔

جموں شہر کے رحیم نگر، نروال میں بارش نے نظام زندگی درہم برہم کر دیا۔ رحیم نگر کی سڑکیں کسی جھیل کا منطر پیش کرتی تھیں جبکہ دکانوں اور مکانوں میں پانی داخل ہوگیا۔

جموں پھر سے گندگی کا شہر کیوں؟

ای ٹی وی بھارت نے اس ضمن میں جموں میونسپل کارپوریشن کی کمشنر اونی لواسہ سے بات کی تو انہوں نے کہا کہ گزشتہ برس جموں شہر کو قومی سوچھتا سروے کے تحت جو رینکنگ ملی تھی اس کے مقابلے امسال کی رینکنگ بہتر ہوئی ہے۔ انہوں نے کہا اس برس دو سو نمبر پر آئے ہیں جو کہ ہمارے لئے ایک اچھی خبر ہے۔ انہوں نے مزید کہا کہ جموں میں ڈرینیج سسٹم پرانا ہے اور اب آبادی میں اضافہ ہونے کی وجہ سے ڈرینیج سسٹم پر دباؤ پڑا ہے۔ انہوں نے عوام سے اپیل کی کہ وہ جموں میونسپل کارپوریشن کا تعاون کریں اور کوڑا کرکٹ نالیوں میں نہ پھینکیں۔