ڈائریکٹر ٹورزم جموں ڈاکٹر نسیم جاوید چودھری سے خاص بات چیت

صوبہ جموں میں امرناتھ یاترا اور سیاحت کے پیش نظر کیا کچھ انتظامات کیے جارہے ہیں۔ اس کے بارے میں ای ٹی وی بھارت کے نمائندے نے ڈائریکٹر ٹورازم جموں ڈاکٹر نسیم جاوید چودھری سے بات چیت کی۔

جموں و کشمیر میں گورنر انتظامیہ کی جانب سے سیاحتی مقامات پر سیاحوں کو راغب کرنے کے لیے مختلف مقامات پر میلوں کا اہتمام کیا گیا ہے۔ وہیں عالمی وبا کورونا وائرس کے کیسز میں بھی دن بہ دن اضافہ دیکھنے کو مل رہا ہے۔

صوبہ جموں میں امرناتھ یاترا اور سیاحت کے پیش نظر کیا کچھ انتظامات کیے جارہے ہیں۔ اس کے بارے میں ای ٹی وی بھارت کے نمائندے نے ڈائریکٹر ٹورزم جموں ڈاکٹر نسیم جاوید چودھری سے بات چیت کی۔

انہوں نے کہا 'جموں و کشمیر انتظامیہ امرناتھ یاترا کو منعقد کرنے کے لئے تیار ہے اور کووڈ-19 کی گائڈلائنس کے مطابق یاتریوں کو جموں و کشمیر آنے کی اجازت دی جائے گی اور وہیں دوسری جانب جموں-لکھنپور پاس، ایئر پورٹ اور بیس کیمپ سے ہی یاتریوں کا کووڈ ٹیسٹ کیا جائے گا'۔

انہوں نے کہا 'جموں و کشمیر انتظامیہ سیاحت کو فروغ دینے کے لئے ہر طرح کی کوششیں کررہی ہے۔ ہم نوجوانوں کو بھی سیاحت کے شعبہ میں آنے کے لئے ہر طرح کی مدد کرنے کے لئے تیار ہیں'۔

انہوں نے کورونا وائرس کے بڑھتے معاملات کے پیش نظر امرناتھ یاتریوں کو رہنما خطوط کی پاسداری عمل میں لانے کی تلقین کی۔

واضح رہے کہ گذشتہ برس کورونا وبا کی وجہ سے یاترا کو رد کردیا گیا تھا۔ تاہم اس برس انتظامیہ نے یاترا کو انجام دینے کا چلینج قبول کیا ہے اور اس کے لیے خصوصی انتظامات کیے جا رہے ہیں۔