جموں: محبوبہ مفتی نے بابا بودھن علی شاہ کی درگاہ پر حاضری دی

سابق وزیراعلیٰ محبوبہ مفتی چار روزہ دورہ پر جموں میں ہیں اور آج ان کے جموں دورے کا آخری دن تھا۔ اس سے پہلے انہوں نے جموں میں واقع پارٹی ہیڈ کوارٹر میں پارٹی کارکنان کے ساتھ ساتھ پارٹی لیڈران سے بھی ملاقات کی۔

جموں و کشمیر کی سابق وزیراعلیٰ محبوبہ مفتی نے آج بابا بودھن علی شاہ- ستورای جموں، کی درگاہ پر عقیدت کے پھول چڑھائے۔ انہوں نے درگاہ پر حاضری دی اور جموں و کشمیر کو درپیش چلینجوں سے نجات، عوام کی خوش حالی اور مکمل امن و امان کے لئے دعا کی۔

محبوبہ مفتی نے عالم انسانیت کو عالمگیر وبائی بیماری کورونا وائرس سے نجات اور جموں و کشمیر کے عوام کو اس مہلک بیماری سے محفوظ رکھنے کی دعا کی۔

بتادیں کہ سابق وزیراعلیٰ محبوبہ مفتی چار روزہ دورہ پر جموں میں ہیں اور آج ان کے جموں دورے کا آخری دن تھا۔ اس سے پہلے انہوں نے جموں میں واقع پارٹی ہیڈکوارٹر میں پارٹی کارکنان کے ساتھ ساتھ پارٹی لیڈران سے بھی ملاقات کی۔