جموں کشمیر پردیش یوتھ کانگریس کے کارکنان نے جموں میں صحافی ارنب گوسوامی (جو ایک ٹی وی چینل کے ایڈیٹر ہے) کے خلاف خاموش احتجاج کرتے ہوئے اسے گرفتار کرنے کی مانگ کی۔
یوتھ کانگریس کے نائب صدر اعجاز چودھری نے ای ٹی وی بھارت کے ساتھ بات کرتے ہوئے کہا کہ ’’ارنب گوسوامی غیر ذمہ دارانہ خبریں اور رپوتاژ نشر کرکے ملک میں فرقہ وارانہ تشدد کو ہوا دے رہے ہیں۔‘‘
ان کا کہنا تھا کہ ’’اس وقت جب پورا ملک کوروناوارئس کے پھیلاؤ کو روکنے میں مشغول ہے ارنب گوسوامی ہندؤوں اور مسلمانوں کو آپس میں لڑانے کی فراق میں ہے۔‘‘
یوتھ کانگریس کارکنان نے ارنب گوسوامی کو گرفتار کرنے کا مطالبہ کیا ’’تاکہ ملک میں آپسی بھائی چارے اور مذہبی ہم آہنگی برقرار رہے جسے بعض شر پسند عناصر بگاڑنے پر تُلے ہوئے ہیں۔‘‘
دریں اثناء انہوں نے مذکورہ صحافی کی جانب سے سونیا گاندھی کو تنقید کا نشانہ بنائے جانے کی بھی مذمت کی ہے۔
