جموں و کشمیر: ریل سروسز رفتہ رفتہ بحال

جموں و کشمیر میں جوں جوں حالات بہتر ہوتے نظر آرہے ہیں حکومت کی جانب سے تمام تر سہولیات کو دوبارہ سے معمول پر لانے کی کوششیں جاری ہیں، 5 اگست سے پیدا شدہ صورت حال سے جموں کشمیر کی عوام اب تک پریشان نظر آرہی ہے۔

مرکزی زیر انتظام جموں و کشمیر میں 5 اگست کو مرکزی سرکار کی طرف سے دفعہ 370 اور 35 اے کی منسوخی کے بعد پیدہ شدہ صورت حال کے بیچ ریل انتظامیہ نے ریل خدمات بند کرنے کا اعلان کیا تھا، جو اب تک جاری تھا اور جسے بعد میں جزوی طور بحال کیا گیا۔

جنوبی کشمیر سے ریل سرویز کو عوام کے لیے بحال کی گیا تھا جبکہ انتظامیہ کی طرف سرینگر بڈگام ریل سرویز کو دوبارہ بحال کیا گیا۔

اس دوران عوام نے اس قدم کو خوش آئین قرار دیا، جبکہ ریل انتظامیہ نے بھی اسے عوام کی سہولیت سے تعبیر کیا ہے۔

قبل ازیں 12 نومبر کو سری نگر سے شمالی کشمیر کے بارہمولہ تک ریل خدمات بحال کی گئی تھیں۔

ریلوے ذرائع کا کہنا ہے کہ وادی میں معمول کی ریل خدمات بحال ہونے میں ابھی مزید کچھ وقت لگ سکتا ہے۔

صورتحال میں مزید بہتری کے ساتھ ہی ریل گاڑیوں میں اضافہ کیا جائے گا اور معمول کی ریل خدمات بحال کی جائیں گی'۔