ان اقدامات کی تفصیل کا خاکہ پیش کرتے ہوئے ناظم دیہی ترقی جموں سدرشن کمار نے کہا کہ محکمہ کے عملے اور پنچائتی راج اداروں کے منتخب ممبران بشمول بی ڈی سیز کے چئیر پرسن، سرپنچ اور پنچ کووڈ 19 کے پھیلاو کو روکنے کیلئے ضلع انتظامیہ کے ساتھ مکمل تعاون کر رہے ہیں۔
اس سلسلے میں لوگوں میں بیداری پیدا کرنے کیلئے پنچایت اور بلاک سطحوں پر دیہی بیداری اور نگرانی کمیٹیوں کو تشکیل دیا گیا ہے ۔
ناظم موصوف نے کہا کہ بلاک سطح کی کمیٹیوں کے سربراہ بی ڈی سی چیئرپرسن اور پنچایت سطح کی کمیٹیوں کی قیادت سرپنچ کر رہے ہیں۔
دیہی ترقی محکمے نے ضلع انتظامیہ کے اشتراک سے جموں صوبے میں 165811 ماسک تقسیم کئے۔
ناظم موصوف نے کہا کہ جو افراد ہوم کورنٹائن میں رکھے جاتے ہیں ان کی نگرانی پنچایت ممبران 14 دنوں تک جاری رکھتے ہیں۔
